تجربتى وتخطى عوائق الواى فاى

من طرف **Admin** الثلاثاء نوفمبر 12, 2013 7:11 am

بسم الله الرحمن الرحيم

اليوم انا جايب ليكم موضوع ناس كتير عانت منه فى تركيب معظم الشبكات

وهو ارتفاع المبانى بينك وبين العميل بمعنى انك لو بتبث من عماره 6 ادوار وبعديك بحوالى 1 كيلو او اقل او اكثر عماره

10 ادوار وبالتالى هاتقطع الاشاره يعنى الجزء اللى ورها مش هاتقدر توصلة

---------------------------------------------------------------------------

نشوف بقى الحل ------ التجربه المريوطيه جيزه

منذ حوالى شهر جالى عميل عاوز يركب شبكه مابين بيته وشركته اللى بتبعد عنه بحوالى 1500 متر

واتفقت معاه انى هاركبها

جبت عدد واحد بولت 2hp

انتنا ديركشن 14 tplink

وكونفكتر كبير فى صغير عشان الانتنا بتبقى مجهزه تركب على الكونكتر الصغير

ده كان فى نقطة الارسال

نيجى الى نقطة الاستقبال لقيت ان افضل حاجه للمسافة دى يدوب اكسس 701 tplink عشان مش عاوز احمله تكليف كتيره على الفاضى

المهم جه يوم التركيب وروحت للعميل عشان اركب وانا طبعآ متفائل شغلانه مش هتاخد منى اكتر من ساعه

وهناك لما طلعت فوق السطح كانت الصدمه

لقين على حوالى 500 متر 2 عماره ارتفاهم 10 ادوارة والعماره اللى هابث من عاليها 6 ادوار

مع اننى نبهت على العميل قبل مااتفق معاه انه يكون شايف من العماره دى العماره التانيه

بس ماعلينا ده اللى حصل

-------------------------------------------------------------------------

فضلت افكر فى حل عشان اتغلب على المشكله دى ومالقتش غير حل واحد وهو

انى اعكس الاشاره من اى مكان

وكان الحل ده هو اللى عندى انى اجيبة اكسس تانى 701 وحطه فى اى مكان يعمل انعكاس للاشاره بحيث

انى اتفادى العائق ده

وانا وفرت له الاكسس وعملته ربيتر وهو بقى دوره انه يدور على عماره كل اللى مطلوب يركبه فوقيها ويديها كهربا

تقوم عامله دورها وهو ربيتر لاشارة البولت الرئيسى

وعكسها على نقطة الاستقبال ومن نقطة الاستقبال اربطها بالربيتر

وبالفعل تم الحمد لله الموضوع بنجاح لان العميل قدر يوفر للربيتر مكان على بعد 400 متر ومن زاويه تانيه

وكانت النتيجه 95% بمعنى انها مافرقتش عن ربطها بالرئيسى اكسر من 5% ودى مايحسش بيه اى اى حد غير

اللى فاهم فى الشغلانه البيج من 2 الى 80 اثناء التحميل

والحمد لله تم الموضوع بنجاح وانا حبيت اعرض التجربه للافاده

ودى صوره شرح تفصيلى للموضوع ملحوظه الصوره شرح تشبيهى بالموضوع مش الصوره الاصليه
واتمنى ان اكون وفقت فى الشرح

[ندعوك للتسجيل في المنتدى أو التعريف بنفسك لمعاينة هذا الرابط]
مهندس / وائل انور 01282795775